بسم الله الرحمن الرحيم
(وَأَنْ
لَيْسَ لِلْإِنْسَانِ إِلَّا مَا سَعَى وَأَنَّ سَعْيَهُ سَوْفَ يُرَى
ثُمَّ يُجْزَاهُ الْجَزَاءَ الْأَوْفَى وَأَنَّ إِلَى رَبِّكَ
الْمُنْتَهَى)
صدق الله العظيمإخوانى فى الله السلام عليكم ورحمة الله وبركاتة
فى البداية بعتذر عن أى أخطاء قد تكون فى الموضوع
وعن عدم الترتيب لأنى تقريبا بقالى يومين ماشوفتش النوم فبعتذر
عمرك فكرت فى آلية عمل السويتش وإزاى بيشتغلكيف يقوم السويتش بالعمل ؟؟
عندك فكرة عن
mac address table
هنفترض إن عندك سويتش وجهازين وقمت بتوصيل الجهازين بالسويتش و الفكره من الموضوع ده إنك تعرف السويتش بيشتغل إزاى
و إزاى الجهازين هيتكلمو مع بعض من خلال السويتش هنفترض إن الجهاز الاول عايز يبعت رسالة للجهاز الثانى
الرساله هتطلع من الجهاز الاول وهتمشى فى السلك الى أن تصل إلى إنترفيس السويتش والسويتش ساعتها هيقوم بعمل جدول يسمى
mac address table ويقوم بوضع mac address للجهاز الأول او (src (source ورقم interface المربوط مع الجهاز الاول يقوم بعدها السويتش بالبحث عن mac address الجهاز الثانى dst
فى mac address table إن لم يجده سوف يقوم بإرسال الرسالة broadcast للأجهزة المرتبطة معه ماعدا src المرسل للرسالة الى ان يصل الى الجهاز المطلوب dst فيقوم بتسجيل mac address ورقم الانترفيس الخاص به
فى حالة إرسال الجهاز الاول رساله أخرى إلى جهاز رقم 2 يتم إرسالها مباشرتا بدون عمل brodcast
طيب الروتر ؟؟
عندك فكرة عن routing table
موضوع كبير جدا ويطول فيه الشرح
. رينج أيبهاتك خلص اجرى وحط (( Subnet mask 8
وأعمل loop فى الشبكة ملهوش نهاية وهات دولفها بدرى
تعرف يعنى إيه تحط فى شبكتك ip بالشكل ده 10.0.0.2/8 والاضرار والبطء فى الشبكة وإيه افضل طريقة لزيادة الايبهات
مع زيادة أعداد الأجهزة فى الشبكة يضطر أصحابها بزيادة عدد الايبهات موتناسيين الطرق الصحيحة فى زيادة عدد الايبهات وبيريح نفسه ويحط subnet mask 255.0.0.0 او cidr 8
وده بيوتيح 16 مليون ip طيب إيه المشكلة فى كده ما أنا ريحت نفسى وخلاص وهووصل للدنيا كلها من غير مشاكل
المشكلة تكمن فى الروتر (أكيد إنتو عارفين إن الميكروتك روتر مش سرفر ) اللى بيقوم بعمل broadcast لمعظم العمليات اللى بيقوم بيها زى عمليات routing وdhcp وغيره .....
الروتر هيقولك أنا مليش دعوه إنت عندك 16 مليون جهاز وإنت اللى كتبتلى الكلام ده ولازم أبعت ليهم كلهم الرسايل بتاعتى ده شغلى ومليش فيه .
عندك 10 أجهزة عندك 5 معندكش خالص هبعت 16 مليون رسالة (packet) فى الشبكة دى لكل عملية فيهاbrodcast هقوم بيها يعنى هبعتهم ... هبعتهم وخد بأه ياكبير رسايل بالكوم مالهاش صاحب .. لأجهزه غير موجودة أصلا
تفضل تلف فى الشبكه وده بنسميه loop وعلشان تحسن أداء الشبكة لازم تقلله
وده بيلتهم bandwidth الشبكة بمعنى بيعمل زحمة كبيرة فى الشبكة من غير داعى ويسبب بطء فى شبكتك ملهوش أى لزمه
عاوز تعرف أفضل طريقة
مؤقتا خد subnet mask قريب للعدد اللى عندك و لو عايز الأفضل انضم لينا فى كورس mcna هنشرح إزاى تعمل subnet maskعمولة على أد شبكتك
مشاكل الاسلاك فى فترة مابين الصيف و الشتاء وتغيير الاسلاك وبطء الانترنت ليلا والمثلث الاصفر اسباب وحلول
منا يعانى من المشكلة مع إنصراف الصيف وبدأ فصل الشتاء تزداد البرودة ليلا وتموت الاسلاك وتعود الى الحياة بعد ظهور الشمس وصاحب الشبكة يتوقف عقله عن التفكير فيما يحدث
أسباب المشكلة
بحثت كثيرا عن السبب العلمى والرئيسى ولم أجده لدى أى شخص لكن من بعض الاسباب و تحليلها ربما نصل للاسباب الحقيقية لتجنبها
المشكلة تحدث فى الاسلاك التى تزيد طولها عن 100 متر
المشكلة تحدث فى الاسلاك القديمة اوالجديدة التى تم توصيلها فى الصيف
بعض الاسلاك طولها اكثر من100 متر وعمرها 3 سنين فى الشبكة وشغاله تمام
إيه المشكلة ؟
بعض الناس بتقول إن دى رطوبة فى السلك "بصراحة مش مقتنع يعنى إيه رطوبة فى السلك"
ملاحظات
يعلم الجميع ان اربع اسلاك فقط هى التى تعمل وتقوم 2 بالارسال واحد سالب والاخر موجب و2 بلأستقبال واحد سالب والاخر موجب والاسلاك دى هيا اخضر – ابيض اخضر – برتقالى – ابيض برتقالى
طيب ماتيجى نجرب نحط الأربع اسلاك التنيين مكان الاساسيين وتعالى نشوف هل هيشتغلو أكيد لأ
إلا فى حالة واحدة إن المسافة قصيرة جدا وده معناه إن الاسلاك دى مش زى بعضها
الاربع اسلاك الاساسيين فيهم نسبة معينة من المواد جيدة التوصيل ممكن تكون نحاس وممكن تكون مواد ثانية ونظرا لغلاء مادة النحاس ولجشع التجار تم استبدال النحاس بمواد اخرى وبعد البحث عن المواد التى تتأثر بالبروده فى جودة التوصيل وجدت انها اشباه الموصلات رخيصة الثمن لذلك تجد أسلاك قديمة تعمل أفضل من الجديدة وعمرها اطول بكثير
لذلك لتجنب تلك المشكلة عليك بالاتى
الحلول
1- حاول بقدر المستطاع ألا تزيد المسافة بين سويتشاتك عن 100متر أبدا
2- اختار للوصلات الرئيسية بين السويتشات أسلاك من نوع جيد ويفضل cat 6 وسعره أغلى حوالى 100 جنية عن cat 5e لكن اداء ممتاز ومن غير مشاكل وبرده انت وفرت بدل تغيير السلوك كل يوم و الثانى ده غير راحتك
3- كن حريص على عمل الوصلات cable crosse بين السويتشات
وداعا لتهنيج السويتش و الاكسس بوينت ان شاء الله
دورت على حلول كتيرة .... وفشلت ..
الحل موجود الحمد لله حل نهائى وبسيط وغير مكلف
سويتش او اكسس بوينت مهنج ممكن يخليك تلف تعد سلوكك طول الليل طبعا موعاناه
حل المشكلة هاردوير ياجماعة
بمعنى لازم تكون محترف استخدام مكواة اللحام
* تحذير لو حضرتك غير محترف فى استخدام ادوات الصيانة و اللحام
برجاء عدم تنفيذ هذه الطريقة مع إخلاء مسؤليتى من أى أضرار قد تحدث لك *
فى البداية لازم نعرف ان أسباب التهنيج فى
اى جهاز بيكون من المكثفات او المعالج الخاص بالجهاز
والكلام ده معروف للناس اللى شغاله فى صيانة المازربود او الرسيفرات او دواير البور
الحل بسيط جدا هتغير 2 مكثف فى السويتش او الاكسس قيمتهم 16فولت - و470 ميكروفاراد
المكثفين دول هتخدهم من بوردة كمبيوترتقطيع وياريت اورجينال او تشتريهم جديد وتكون أنواع كويسه
وده طبعا علشان المكثفات اللى راكبه فى السويتش و الاكسس
مكثفات رديئة التصنيع وبعد فترة من تشغيلها
بتحتاج تتغير لأن عمرها الافتراضى قصير
هنغيرها بمكثفات 16فولت وأى قيمة أعلى من 470 إلى 1000 ميكروفاراد
بالنسبة ليه أنا بركب 800 او 1000 ميكروفاراد
وده طبعا فى السويتشات اللى بتهنج
بالنسبة للاكسس اخرك 800 ميكروفاراد
لو المعالج الخاص بالسويتش بتاعك أزيروس حط على المعالج دةمبرد cooler
الخاص بال cpu
ياريت متشتريش اى سويتش 5 بورت جديد مشاكلة كتيرة جدا
بالنسبة للسويتشات اللى بتلاقى فيها ليد لبورت مضيىء بدون تركيب اسلاك فيها ده بيكون جزء من المعالج فية عيب او احد الارجل غير متصلة جيدا وده حل مشكلته التسخين على المعالج
وده كمان ممكن يعمل معاك مشاكل التهنيج
اسباب غير السويتش ممكن تهنج السويتش
سلك مقطوع والاسلاك تلامس بعضها مما يسبب قفلة فى السويتش وفى سويتشات اخرى مجاورة لية
الفيروسات عند الناس بتقوم برفع الداتا بكميات كبيرة وسرعات عالية مما يسبب تهنيج السويتش
انا بشكر الاستاذ: احمد سداتى على الموضوع الشيق والمفيد
ليست هناك تعليقات:
إرسال تعليق